Moskwada köp sanda adem qatnashqan öktichiler namayishi yüz berdi

Muxbirimiz ümidwar
2017-02-26
Élxet
Pikir
Share
Print


Yekshenbe küni, rusiye paytexti moskwada zor sandiki ademning namayish qilip yürüsh pa'aliyiti ötküzülgen bolup, mezkur yürüsh pa'aliyiti buningdin ikki yil ilgiri, yeni 2015-yili, 27-féwral küni namelum jinayetchiler teripidin süyiqest bilen öltürülgen meshhur öktichi siyasiyon boris némsowni xatirileshni meqset qilghan.

B b s agéntliqining xewer qilishiche, eyni waqitta prézidént wladimir putin'gha qarshi öktichi rehberliridin biri hésablan'ghan boris némsowni xatirileshke qatnashqan kishilerning sani heqqide türlük uchurlar mewjut bolup, pa'aliyetni teshkilligüchiler 30 ming adem qatnashti dése,yene beziler 15 ming adem qatnashti dégen, emma saqchi terep bolsa, 5 ming ademning bu pa'aliyetke ishtirak qilghanliqini bildürgen. Pa'aliyet qatnashquchiliri kréml hökümitining siyasetlirini we rusiyening ukra'inagha qaratqan mudaxaliyisini tenqid qilidighan köp sandiki plakatlar we bashqa teshwiqat boyumlirini kötürüshken.

Öktichiler rehberliri hökümettin boris némsowning öltürülüsh délosini éniqlap ashkarilashni telep qilghan bolup,mezkur pa'aliyetke rusiyediki alte öktichi partiye ezaliri ishtirak qilghan iken.

Prézidént putin hakimiyetni igiligen we qirimni igilep, ukra'ina krizisi kélip chiqqandin kéyin, rusiye ichidiki öktichiler we xelq'araliq hoquq teshkilatliri krémlning rusiyediki démokratik hoquqlargha éghir dexli-teriz qilghanliqi, öktichi pikirdikilerge zerbe bériwatqanliqini tenqid qilmaqta,

Toluq bet