Москвада чоң җаминиң ечилиш мурасими өткүзүлди

23-Сентәбир русийә пайтәхти москвада явропадики әң чоң җами дәп қаралған москва мәркизий җамисиниң ечилиш мурасими өткүзүлди, җаминиң ечилиши пүткүл мусулман дуняси бу йиллиқ қурбан һейтни қутлуқлашқа һазирланған пәйтләргә тоғра кәлди.

10 Миң киши сиғидиған, 3 қәвәтлик бу көркәм мәсчитниң йопуқини русийә президенти владимир путин билән русийәниң баш муптиси равил ғәйнидин бирликтә ачти.

Ечилиш мурасимиға түркийә президенти рәҗәп таййип әрдуған, пәләстин президенти мәһмуд аббас қатарлиқ чәтәл рәһбәрлириму алаһидә тәклип билән қатнашти.

Ечилиш нутқини сөзлигән русийә президенти владимир путин мәзкур җаминиң охшимайдиған дин вә ериқидики кишиләрни иттипақлаштуруш идеологийәси үстигә қурулған бир дөләт үчүн муһим әһмийәткә игә икәнликини билдүрди.

Мәлум болушичә нөвәттә москвада 4 җами бар болуп, булар москваниң барғанчә көпийиватқан мусулман җамаитини сиғдуруп кетәлмәйдикән.

Бу йиллиқ қурбан һейт намизиға москвада йеңи ечилған мәсчиткә 60 миңға йеқин адәм келиши тәхмин қилинмақта икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар