Чәтәлләрдики уйғур муһаҗирлири хитай иқтисадий қурулушиға җәлп қилинмақта

Мухбиримиз әзиз
2016-09-21
Share

“хитай хәвәрләр тори” дин мәлум болушичә, үрүмчидә ечиливатқан “хитай-явро асия көргәзмиси” ниң бир муһим тәркиби қисми сүпитидә 21-сентәбир күни “хитай муһаҗирлири вә йипәк йоли қурулуши мунбири” сөһбәт йиғини ечилған.

Игилишимизчә, уйғурлар дияридики бир қисим юқири дәриҗилик мәмурлар вә хитай билән иқтисадий мунасивәттә болуватқан мәмликәтләрдики уйғурлар мәзкур йиғинға иштирак қилған.

Йиғин хәвиридин мәлум болушичә, хитай һазир йолға қоюватқан “бир бәлвағ бир йол” истратегийиси көплигән дөләтләр билән болған иқтисад вә сиясий җәһәтләрдики һәмкарлиққа моһтаҗ болғачқа чәтәлләрдики хитай муһаҗирлири, болупму уйғурлар диярида туғулған һәмдә кейинчә чәтәлләргә көчүп кәткән мусулманлар бу җәһәттә паал вә актип рол ойнайдикән.

Йиғинға иштирак қилған түркийә тәвәликидики уйғурлардин сабир боғда өзиниң “шинҗаңлиқ муһаҗир содигәрләр мәбләғ селиш уюшмиси” ниң рәиси болған төт йилдин буян сода вә тиҗарәт ишлирида зор утуқларға еришкәнликини сөзләп өткән, шундақла чәтәлләрдики техиму көп уйғур содигәрләрниң бу сәпкә қошулуши лазимлиқини оттуриға қойған.

Вәзийәт анализчилири бу һәқтә тохтилип, буниң пүтүнләй хитайниң кәлгүсидики иқтисадий кеңәймичилик үчүн шараит һазирлашни мәқсәт қилғанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт