Chet'ellerdiki Uyghur muhajirliri xitay iqtisadiy qurulushigha jelp qilinmaqta

Muxbirimiz eziz
2016-09-21
Share

"Xitay xewerler tori" din melum bolushiche, ürümchide échiliwatqan "Xitay-yawro asiya körgezmisi" ning bir muhim terkibi qismi süpitide 21-séntebir küni "Xitay muhajirliri we yipek yoli qurulushi munbiri" söhbet yighini échilghan.

Igilishimizche, Uyghurlar diyaridiki bir qisim yuqiri derijilik memurlar we xitay bilen iqtisadiy munasiwette boluwatqan memliketlerdiki Uyghurlar mezkur yighin'gha ishtirak qilghan.

Yighin xewiridin melum bolushiche, xitay hazir yolgha qoyuwatqan "Bir belwagh bir yol" istratégiyisi köpligen döletler bilen bolghan iqtisad we siyasiy jehetlerdiki hemkarliqqa mohtaj bolghachqa chet'ellerdiki xitay muhajirliri, bolupmu Uyghurlar diyarida tughulghan hemde kéyinche chet'ellerge köchüp ketken musulmanlar bu jehette pa'al we aktip rol oynaydiken.

Yighin'gha ishtirak qilghan türkiye tewelikidiki Uyghurlardin sabir boghda özining "Shinjangliq muhajir sodigerler meblegh sélish uyushmisi" ning re'isi bolghan töt yildin buyan soda we tijaret ishlirida zor utuqlargha érishkenlikini sözlep ötken, shundaqla chet'ellerdiki téximu köp Uyghur sodigerlerning bu sepke qoshulushi lazimliqini otturigha qoyghan.

Weziyet analizchiliri bu heqte toxtilip, buning pütünley xitayning kelgüsidiki iqtisadiy kéngeymichilik üchün shara'it hazirlashni meqset qilghanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet