Уйғур елидә алтә ширкәт екологийилик муһитни бузуш билән җазаланди

Мухбиримиз үмидвар
2013-10-27
Share

Хитай екологийилик муһитни қоғдашни күчәйтишни тәшәббус қилғандин буян уйғур аптоном райони даириси ичидә бир қисим ширкәт вә орунларниң екологийилик муһитни бузуш әһвали тәкшүрүлгән болуп, йеқинда алтә ширкәт екологийилик муһит бузуш билән әйиблинип, исми ашкара елан қилинди.

Шинҗаң гезитиниң хәвәр қилишичә, мәзкур алтә ширкәт ичидә санҗи туңган аптоном областидики шинҗаң тйәнлоң канчилиқ һәссидарлиқ ширкити, или қазақ аптоном областидики или йеңи көмүр кан гази һәссидарлиқ ширкити, или алаһидә һариқи һәссидарлиқ ширкити вә башқилар бар. Бу ширкәтләр ичидә үчи дәрһал ишни тохтитишқа буйрулған, қалған икки ширкәткә бир милйон 500 миң йүәндин 900 миң йүәнгичә җәриманә қоюлған.

Көзәткүчиләрниң қаришичә, екологийилик муһит қанунини бузуш билән әйибләнгән мәзкур алтә ширкәт пәқәт көлими кичик ширкәтләрдин ибарәт болуп, арқа терики күчлүк болған, биваситә дөләткә қарайдиған әң чоң бир қисим ширкәтләрниң муһит бузуш әһваллири җазаниң сиртида қалған.

Һазир или вилайити тәвәсидә елип бериливатқан көмүрдин газ ишләпчиқириш паалийитиниң күчийиши билән йәрлик аһалиларда муһитниң бузулушиниң еғирлишиватқанлиқи һәққидә түрлүк инкаслар көпәймәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт