"Inqilabiy sherqiy türkistan" gézitining axirqi muxbiri munir yérzin wapat boldi

Muxbirimiz ümidwar
2020-06-29
Share
munir-erzin-90-tewellut.jpg Ataqliq tarixchi, qazaqistandiki Uyghurshunasliq ilmining asaschiliridin biri munir érzin(ongdin birinchi)ning 90 yilliq tewellutigha béghishlan'ghan ilmiy muhakime yighinidin körünüsh. 2017-Yili dékabir, almuta.
RFA/Oyghan

Tatar we Uyghur ikki qérindash xelqning perzenti, bir ömür hayatini Uyghur xelqining musteqil dölitini qurush we azadliq küreshlirige hem Uyghur xelqining tarixi we medeniyitini tetqiq qilishqa béghishlighan Uyghurshunas munir yérzin ependi 2020-yoli 29-iyun küni 92 yéshida almutada wapat boldi.

Munir yérzin ependi 1928-yili altayda tatar ziyaliysi a'iliside tughulghan. 1942-1945-Yili ürümchidiki ökilik xitay darilmu'elliminide oqughan. 1946-Yili, 9-aylardin bashlap, taki 1947-yili, 8-ayghiche exmetjan qasimi kontrolluqidiki Uyghurche, qazaqche" shinjang géziti "De xizmet qilghan, 1947-yili, 8-ayda exmetjan qasimigha egiship ghuljagha kétip," inqilabiy sherqiy türkistan "Gézitide taki 1949-yilining axirighiche xizmet qilghan we ürümchige bérishni ret qilip, ghuljada qalghan. U, 1955-yili sowét ittipaqigha köchüp ketken we 1967-yilighiche almutada Uyghur tilida chiqidighan" kommunizm tughi "Gézitide xizmet qilghan. U, 1967-yilidin bashlap, qazaqistan penler akadémiyesi Uyghurshunasliq bölümide, 1986-1996-yilliri Uyghurshunasliq institutida tetqiqatchi bolup ishligen. Munir yérzin tunji qétim Uyghur metbu'at tarixi heqqide kandidat doktorluq dissértatsiyisi yézip, tarix penliri kandidat doktori bolghan hem ömrining 50 yilidin artuq waqtini mexsus Uyghur tarixi, Uyghur metbu'at tarixi shuningdek yene tatar tarixi mesililirige béghishlighanidi.

Munir yérzin Uyghur tarixi tetqiqati boyiche" sowét Uyghur metbu'at tarixi "Qatarliq bir qanche kitab we maqaliler toplamlirining aptoridur.

Munir yérzin ependi hayat waqtida erkin asiya radiyosining" tarix we bügün "Sehipisige köp qétim özining 1944-1949-yilliridiki sherqiy türkistan milliy azadliq inqilabi dewride körgen-bilgenliri we béshidin ötküzgen hayat kechürmishlirini sözlep, anglighuchilarda chongqur tesirat qaldurghanidi. Munir yérzin ependi inqilab rehbiri exmetjan qasimi bashliq muhim erbablar bilen söhbetdash bolghan we ularning tapshuruqlirini orundighan. U, 1946-1949-yilliridiki ürümchi we ilida yüz bergen köpligen siyasiy, medeniyet, ijtima'iy weqeler shuningdek shahiti we sherqiy türkistan jumhuriyiti'ing" inqilabiy sherqiy türkistan "Gézitining axirqi muxbiri idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet