Almatadiki Uyghur sen'etkarliri murat nasirofni eslimekte

Muxbirimiz ümidwar

 

Almatadiki Uyghur sen'etkarliri ataqliq naxsha cholpini we kompozitori murat nasirofni xatirilesh meqsitide mexsus naxsha - muzika kéchiliki pa'aliyiti ötküzüshke teyyarlanmaqta. Qazaqistan Uyghurliri teripidin tarqitilidighan medeniyet we sen'etke a'it mexsus intérnét tor sehipiliridin “Perwaz” we “Doppalife” torlirining élanidin melum bolushiche, 12 - dékabir küni kechte “Disko'unt bar” dep atalghan muzika kulubida mexsus murat nasirofqa béghishlan'ghan naxsha - muzika kéchiliki ötküzülidighan bolup, bu pa'aliyetke Uyghur naxsha - muzika we usul guruppiliridin “Tarim” ansambili we bashqilarning artisliri qatnishidiken.
Mezkur xatirilesh naxsha - muzika kéchilikini qazaqistandiki Uyghur ijtima'iy - ammiwi jem'iyetlerdin “Inayet fondi”, Uyghur yashlirining intérnét toridin “Doppalife” qatarliqlar teshkilligen iken.
1969 - Yili almata shehiride tughulghan murat nasirof, 1990 - 2000 - yillarda pütün sabiq sowét ittipaqigha tonulghan naxsha cholpinigha aylan'ghan bolup, u asasliqi moskwa sehniliride naxsha éytqan we uning chiqarghan 5 plastinkisi keng anglighuchilarning alqishigha érishken idi. Uning, Uyghur naxshigha - mélodiyeliri we medeniyitini rusiye hem bashqa musteqil döletler hemdostluqi xelqlirige tonushturushta muhim rol oynighanliqi mu'eyyenleshtürülmekte. U, ömrining axirida “Qaldim yalghuz” namliq Uyghur naxsha - muzika plastinkisini moskwada neshir qildurup tarqatqan idi.
Murat nasirof 2007 - yili.19 - Yamwar küni moskwada öz öyining balkonidin chüshüp kétip 38 yéshida wapat bolghandin kéyin uning ölümi heqqide türlük qiyaslar we uchurlar bir mezgil metbu'atlarning qiziq témsi bolghan idi.


Almatadiki Uyghur sen'etkarliri ataqliq naxsha cholpini we kompozitori murat nasirofni xatirilesh meqsitide mexsus naxsha - muzika kéchiliki pa'aliyiti ötküzüshke teyyarlanmaqta. Qazaqistan Uyghurliri teripidin tarqitilidighan medeniyet we sen'etke a'it mexsus intérnét tor sehipiliridin “Perwaz” we “Doppalife” torlirining élanidin melum bolushiche, 12 - dékabir küni kechte “Disko'unt bar” dep atalghan muzika kulubida mexsus murat nasirofqa béghishlan'ghan naxsha - muzika kéchiliki ötküzülidighan bolup, bu pa'aliyetke Uyghur naxsha - muzika we usul guruppiliridin “Tarim” ansambili we bashqilarning artisliri qatnishidiken.
Mezkur xatirilesh naxsha - muzika kéchilikini qazaqistandiki Uyghur ijtima'iy - ammiwi jem'iyetlerdin “Inayet fondi”, Uyghur yashlirining intérnét toridin “Doppalife” qatarliqlar teshkilligen iken. 
1969 - Yili almata shehiride tughulghan murat nasirof, 1990 - 2000 - yillarda pütün sabiq sowét ittipaqigha tonulghan naxsha cholpinigha aylan'ghan bolup, u asasliqi moskwa sehniliride naxsha éytqan we uning chiqarghan 5 plastinkisi keng anglighuchilarning alqishigha érishken idi. Uning, Uyghur naxshigha - mélodiyeliri we medeniyitini rusiye hem bashqa musteqil döletler hemdostluqi xelqlirige tonushturushta muhim rol oynighanliqi mu'eyyenleshtürülmekte. U, ömrining axirida “Qaldim yalghuz” namliq Uyghur naxsha - muzika plastinkisini moskwada neshir qildurup tarqatqan idi.
Murat nasirof 2007 - yili.19 - Yamwar küni moskwada öz öyining balkonidin chüshüp kétip 38 yéshida wapat bolghandin kéyin uning ölümi heqqide türlük qiyaslar we uchurlar bir mezgil metbu'atlarning qiziq témsi bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.