Рохеңялиқ мусулман мусапирлар һәққидики хәлқара йиғинда чоң илгириләш болмиди

Мухбиримиз әркин
2015-05-29
Share

29‏-Май, тайландниң баңкок шәһиридә өткүзүлгән рохеңялиқ мусулманлар һәққидики хәлқара йиғин ‏ахирлашқан болсиму, лекин йиғинда һечқандақ чоң илгириләш болмиди. Йиғинда берма вәкили өзигә қаритилған тәнқидләрни рәт қилип, бермини тәнқид қилиш кризсни чоңқурлаштуруштин башқа һечнемигә әсқатмайду, дәп агаһландурған.

Җүмә күни өткүзүлгән йиғинға америка, японийә, малайшия, һиндонезийә, берма қатарлиқ 17 дөләт вәкиллири иштирак қилған. Хәлқара көчмәнләр тәшкилатиниң баш директори виллиам ласи свиң, "давамлиқ сөһбәт елип бериш мәсилисидә һасил қилған ортақ пикир йиғинниң әң зор нәтиҗиси" деди.

Йиғинда, б д т ниң көчмәнләр мәсилиси муавин алий комиссари волкер түрк, рохиңялиқ мусулман мусапирлар мәсилисини кәлтүрүп чиқарған сәвәб һәл қилинмиса, буниң һечқандақ нәтиҗиси болмайдиғанлиқини билдүргән.

У " бу, берминиң өз хәлқигә қарита толуқ мәсулийәтни үстигә елишини тәләп қилиду. Ахирқи пилан уларниң вәтәндашлиқиға капаләтлик қилиш"дегән. Бирақ йиғинда, берма вәкили тин лин б д т мусапирлар әмәлдариниң сөзигә қарши чққан. У "башқиларни нишанға елиш һечнемигә әсқатмайду. Бизни һеч йәргә елип бармайду" дегән.

Берма һөкүмити рохеңялиқ мусулманларниң берма вәтәндашлиқини изчил рәт қилип уларни бенгаллиқ көчмәнләр, дәп қарап кәлгән. Берма һөкүмитиниң бесими вә радикал буддистларниң зораванлиқ һәрикити рохеңялиқ мусулманларни чәтәлгә қечишқа мәҗбурлап, йеқинда көчмәнләр кризисини пәйда қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт