Musteqil döletler hemdostluqi bash ministirliri bir yerge jem boldi

Muxbirimiz ümidwar
2014-06-01
Share


30 - May küni musteqil döletler hemdostluqigha eza memliketlerning bash ministirliri bélarusiye paytexti minsk shehirige jem bolup, mezkur teshkilatning nöwettiki weziyitini muhakime qildi.

Rusiyening xewerler agéntliqining yézishiche, rusiye, bélarusiye, erminiye, qazaqistan qatarliq musteqil döletler hemdostluqigha eza 9 döletning bash ministiriliri qatnashqan bu yighinda alte kélishim imzalinip, 20 din artuq mesile muhakime qilindi.

Téxi yeqinda rusiye prézidénti putin, qazaqistan prézidénti nazarbayéf we bélarusiye prézidénti lukashénko yawro - asiya iqtisadi birlikini qurush kélishimige imza qoyghan idi.

Minsk shehiride ötküzülgen bash ministirlar yighinida ukra'inaning musteqil döletler hemdostluqidin chiqip kétishimu muhakime qilindi shuningdek eza döletler burunqidek istratégiyilik hemkarliqni saqlashni qarar qildi.

Musteqil döletler hemdostluqigha eza döletlerning prézidéntlirining yighini bu yil 10 - ayda minsk shehiride échilish qarar qilindi hemde qazaqistan musteqil döletler hemdostluqining 2015 - yilliq re'is döletlik wezipisini zimmisige alidu.

Bu yil qirimning rusiye teripidin qoshuwélinishidin kéyin ukra'ina musteqil döletler homdostluqidin chiqip ketkenlikini élan qilghan idi. Ilgiri gruziyemu ene shundaq rusiye bilen bolghan ixtilap tüpeylidin bu teshkilattin chiqip ketken. Türkmenistan bolsa, resmiy eza bolmay gheyri resmi munasiwetni saqlap qalghan.

Nöwette rusiyening ukra'ina kirizisidin kéyin musteqil döletler hemdostluqidiki eza memliketler bilen bolghan munasiwetlirini mustehkemleshni kücheytiwatqanliqi otturigha qoyulmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet