"Sherqiy türkistan musteqilliq herikiti" ning tunji nöwetlik qurultiyi parizhda chaqirildi

Muxbirimiz erkin
2018-09-28
Élxet
Pikir
Share
Print

Amérika, kanada, türkiye, yawropa, ottura asiya qatarliq dölet we rayonlardin kelgen bir qisim wekiller 28‏-séntebir firansiye paytexti parizhda jem bolup, "Sherqiy türkistan musteqilliq herikiti" ning tunji nöwetlik qurultiyini chaqirdi.

Mezkur qurultay xitay hökümiti 3 milyondek Uyghurni yighiwélish lagérlirigha we qayta-terbiyelesh merkezlirige qamap, dunyani chöchütüwetken, bu mesile xelq'ara taratqularning küntertipidiki asasliq témigha aylan'ghan bolsimu, lékin héchqandaq bir dölet yaki xelq'ara organ téxiche xitayning qilmishigha qarshi birer tedbir qollanmighan bir mezgilde chaqirilghan idi.

Qurultayning échilish murasimda "Sherqiy türkistan milliy marshi" oquldi we lagérlardiki tutqunlarhem xitayining ziyankeshlikige uchrap ölgen qurbanlargha du'a-tilawet qilindi.

Dunya Uyghur qurultiyining aliy rehbiri rabiye qadir xanim we türkiye büyük birlik partiyesining re'isi mustafa destichi ependi qatnashqan qurultayda, "Sherqiy türkistan" dawasining eng éghir basquchqa kelgenliki, "Sherqiy türkistan" xelqining nöwette héchqachan körülüp baqmighan bir yoqitilishqa duch kéliwatqanliqi tekitligen.

Igilishiche, mezkur heriketning nishani dunyadiki barliq Uyghur teshkilatlirini ittipaqlashturup, Uyghurlarni nöwettiki éghir krizistin qutquzushning yéngi yolini tépishken.

Qurultayda rabiye qadir xanim sözge chiqip, Uyghurlarning héchqachan körülüp baqmighan xirisqa duch kelgenlikini, "Her bir dölette turuwatqan Uyghurlarning pida'iylarni teyyarlap, guwahliq bérishke uyushturushini, bu arqiliq dunyani qozghishi" ni telep qildi.

Bu qurultayning qandaq konkrét istratégiyelik nishanni békitidighanliqi téxi melum emes. Mezkur qurultay 3 kün dawamliship, 1‏-öktebir axirlishidu.

Toluq bet