Musulmanlar dunyasining Uyghurlargha yardem qilmasliqi qayta-qayta eyiblenmekte

Muxbirimiz sada
2019-09-25
Share

Xitay hökümitining Uyghurlarni her jehettin éghir depsende qilishigha qarita musulman ellirining izchil inkassiz turuwélishi, hetta xitaygha bu jehette hemdemde bolushi xelq'araning izchil eyiblesh témisi bolup kelmekte. Yéqinda "Nyu-york waqti géziti" dimu mushu téma heqqide bir xewer élan qilindi.

"Xitay dunyaning musulmanlar solan'ghan lagérlargha süküt qilishni xalaydu hem bu jehette muweppeqiyet qaziniwatidu" serlewhilik xewer "Nyu-york waqti géziti" ning 25-séntebirdiki sanigha bésilghan. Maqalide türkiye prézidénti rejep tayip erdoghanning xitay bilen bolghan yéqin dostluq munasiwiti yip uchi qilinish arqiliq dunyadiki bashqa islam ellirining Uyghur mesiliside xitaygha "Yantayaq" bolushi qattiq tenqidlen'gen. 

Bu yil iyulda b d t tiki 25 dölet xitayning Uyghur diyaridiki insaniyetke qarshi basturushlirigha qarita b d t kishilik hoquq kéngishige imzaliq xet ewetken idi. Netijide xitay da'irilirimu özige eng yéqin, musulmanlar köp salmaqni igiligen 50 din artuq döletni ishqa sélip, özini aqlashqa urun'ghan idi. 

"Nyu-york waqti géziti" diki xewerdimu béyjing da'irilining Uyghur siyasitini ochuq ashkara qollighan yuqiriqi döletlerning diplomatik we bashqa jehetlerdin hemdemde bolushi netijiside xitayning hazirgha qeder gherb elliridin bu heqte özlirige kelgen eyibleshlerni ongushluq yéngip kelgenliki éytip ötülgen. 

Musulman ellirining yuqiriqidek sükütlirige dunya jama'iti küchlük inkas bildürüwatqan mushundaq bir peytte ularning Uyghur mesiliside yenila awazsiz turuwélishi diqqet qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet