Мусулманлар дунясиниң уйғурларға ярдәм қилмаслиқи қайта-қайта әйибләнмәктә

Мухбиримиз сада
2019-09-25
Елхәт
Пикир
Share
Принт

Хитай һөкүмитиниң уйғурларни һәр җәһәттин еғир дәпсәндә қилишиға қарита мусулман әллириниң изчил инкассиз турувелиши, һәтта хитайға бу җәһәттә һәмдәмдә болуши хәлқараниң изчил әйибләш темиси болуп кәлмәктә. Йеқинда «ню-йорк вақти гезити» диму мушу тема һәққидә бир хәвәр елан қилинди.

«Хитай дуняниң мусулманлар соланған лагерларға сүкүт қилишни халайду һәм бу җәһәттә мувәппәқийәт қазиниватиду» сәрләвһилик хәвәр «ню-йорк вақти гезити» ниң 25-сентәбирдики саниға бесилған. Мақалидә түркийә президенти рәҗәп тайип әрдоғанниң хитай билән болған йеқин достлуқ мунасивити йип учи қилиниш арқилиқ дунядики башқа ислам әллириниң уйғур мәсилисидә хитайға «янтаяқ» болуши қаттиқ тәнқидләнгән. 

Бу йил июлда б д т тики 25 дөләт хитайниң уйғур дияридики инсанийәткә қарши бастурушлириға қарита б д т кишилик һоқуқ кеңишигә имзалиқ хәт әвәткән иди. Нәтиҗидә хитай даирилириму өзигә әң йеқин, мусулманлар көп салмақни игилигән 50 дин артуқ дөләтни ишқа селип, өзини ақлашқа урунған иди. 

«Ню-йорк вақти гезити» дики хәвәрдиму бейҗиң даирилиниң уйғур сияситини очуқ ашкара қоллиған юқириқи дөләтләрниң дипломатик вә башқа җәһәтләрдин һәмдәмдә болуши нәтиҗисидә хитайниң һазирға қәдәр ғәрб әллиридин бу һәқтә өзлиригә кәлгән әйибләшләрни оңушлуқ йеңип кәлгәнлики ейтип өтүлгән. 

Мусулман әллириниң юқириқидәк сүкүтлиригә дуня җамаити күчлүк инкас билдүрүватқан мушундақ бир пәйттә уларниң уйғур мәсилисидә йәнила авазсиз турувелиши диққәт қозғимақта.

Пикирләр (0)
Share
Толуқ бәт