"Musulmanlar sadasi" namliq xewer tor bétide Uyghur sha'iri lutpulla mutellip tonushturuldi

Muxbirimiz irade
2019-10-31
Élxet
Pikir
Share
Print

En'giliyede qurulghan, islam we musulmanlar heqqidiki angni ashurush meqsiti bilen pa'aliyet körsitiwatqan "Musulmanlar sadasi" namliq xewer tor bétide Uyghurlarning ot yürek sha'iri lutpulla mutellip tonushturuldi.

Maqalide Uyghur sha'iri lutpulla mutellipning Uyghurlarning milliy ghururining muhim menbesi we medeniyet iptixari ikenliki bayan qilin'ghan. Uningda lutpulla mutellipning intayin qisqa bolghan emma jenggiwar hayati Uyghur élining siyasiy tarixi bilen birleshtürülüp qisqiche tonushturulghan shundaqla sha'irning eng nadir eserliri hésablinidighan "Yillargha jawab" we "Xiyalchan tilekler" namliq shé'irliri tonushturulghan.

Maqalide töwendikiler bayan qilin'ghan: "Lutpulla mutellip 23 yéshida öltürülgen bolsimu, emma u hélihem xitay hakimiyiti astida azab chékiwatqan Uyghurlarning milliy ghururi we medeniyet iznalirining simowli bolushi dawam qilmaqta. Xitay hökümiti nöwette shinjang Uyghur aptonom rayonida bir milyondin oshuq musulmanni tutqun qilip, ulargha irqiy qirghinchiliq yürgüzmekte. Shuning bilen birge Uyghurlarning qedimiy mazarliqlirini weyran qilmaqta. Xitay da'irilirining sözige qarighanda, lutpulla mutellipning qebrisimu 'qebrilerni retlesh' dégen nam astida yötkiwétilgen. . . Uning hazir zadi nediliki éniq emes."

Maqalide yene xitay hökümiti Uyghurlarning milliy we dini hoquqlirigha we hayatigha tehdit séliwatqan mushundaq bir peytte lutpulla mutellipke oxshash zatlarni yadlap turush we Uyghur milliy kimlikini qoghdashning ehmiyitining intayin yüksekliki tekitlen'gen. Maqale "Gerche xitay lutpulla mutellipning qebrisini weyran qilghan bolsimu, u qaldurghan miraslar, uning shé'irliri we hayati kelgüsi ewladlarning yadida menggü qalghusi!" dégen sözler bilen axirlashturulghan.

Toluq bet