Élana béysir: "Nechche yüzligen muxbirlarning tutulushi dunyadiki yéngi bir 'normalliq' qa aylandi"

Muxbirimiz sada
2018-12-13
Share

13-Dékabir küni "Muxbirlarni qoghdash komitéti" torida "Nechche yüzligen muxbirning tutulushi dunyadiki yéngi bir 'normalliq' qa aylandi" serlewhilik bir muhakime maqalisi élan qilin'ghan.

Élana béysir maqaliside dunyaning herqaysi elliridin 251 din artuq axbarat xadimining tutqun qilinip türmige tashlan'ghanliqi, bularning ichide xitay, misir we se'udi erebistan qatarliq döletlerde tutqun qilin'ghan muxbirlar sanining bulturqidin köp ikenliki, türkiyening dunyadiki eng nachar tutqun qilghuchi dölet, dep atalghanliqini bayan qilghan.

Maqalide xitayning muxbirlarni tutqun qilish ehwali nuqtiliq tonushturulush arqiliq Uyghur diyaridiki hökümetning ziyankeshlikige uchrighan Uyghurlarning eng yéngi weziyiti échip bérilgen.

Xitay hökümiti Uyghur diyarining özidinla eng az dégende 10 dek axbarat xadimini sewebsiz tutqun qilghan. Buning ichide hazirgha qeder eng diqqetni tartiwatqini xitay fotograf lü gu'ang bolghan. Lü gu'ang bu yil 11-ay mezgilide Uyghur diyarigha melum körgezmige qatnishish üchün ürümchige barghandin kéyin tutqun qilin'ghan.

Maqalide yene xitay re'isi shi jinpingning 2013-yili textke olturghandin kéyin, özining hoquqini küchlendürgenliki qeyt qilin'ghandin bashqa yene xitay hökümet xadimlirining "Tor mudapi'e témi" (防火墙) téxnikisini qattiq nazaret astigha élip, hökümetke paydiliq bolghan bir qanchila xewer tor betlirining atalmish "Testiqtin ötken" dégen namgha érishkenlikimu nuqtiliq chüshendürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet