Tramp hökümiti asiya NATO si qurup, xitaygha taqabil turushni oylashmaqta iken

Muxbirimiz erkin
2020-10-05
Share

Tramp hökümiti asiyadiki döletler bilen shimali atlantik ehdi teshkilatigha oxshash bir herbiy-siyasi ittipaq qurup, xitaygha taqabil turushni oylashmaqta iken.

"Washin'gton waqti" géziti tramp hökümitidiki emeldarlarning buning üchün ün-tünsiz heriket qiliwatqanliqini bildürgen. Xewerde tekitlishiche, bu pikirni aldi bilen amérikaning mu'awin tashqi ishlar ministiri stéfén béygun aldinqi ayda amérika, awstraliye, hindistan we yaponiye "4 Dölet guruhi" ning gheyriy-resmiy ittipaqi heqqidiki bir sözide ashkarilighan.

Stéfén beygun 31-awghust küni ötküzülgen "Amérika-hindistan istratégiyelik diyalogi" namliq yighinda qilghan sözide: "Bu tramp hökümitining 2-qarar wezipe ötesh mudditi ichide yaki u saylinalmighan teqdirdimu, kéyinki prézidént özining 1-qarar wezipe ötesh mudditi ichide jiddiy oylishidighan mesile bolidu," dégen. "Washin'gton waqti" gézitining xewiride mutexessislerning "Herbiy ittipaq qurush, bolupmu hindistan bilen awstraliye xitayning düshmenlikige duch kelgen bir peytte herqandaq waqittikidinmu éhtiyajliq mesile bolup qaldi," dep qaraydighanliqi tekitlen'gen.

Bu toghrisida "Wilson merkizi" asiya programmisining mu'awin diréktori maykél kugélman mundaq dégen: "Nöwette '4 dölet guruhi' we shundaqla rayondiki bashqa döletlerdimu xitayning herikitining tajawuzchiliq bolupla qalmay, yer sharining muqumliqighimu tehdit séliwatqanliqi toghrisida ortaq tonush kücheymekte."

"Washin'gton waqti" gézitining tekitlishiche, yéqinqi aylarda xitayning xirisi kücheygenséri "Hindi-tinch okyan ittipaqi" qurush amérikaning küntertipidiki asasliq mesilige aylan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet