Xitay hökümiti NATO ni “Birinchi nomurluq düshmen” dep élan qildi

Muxbirimiz eziz
2022.07.08
Share on WhatsApp
Share on WhatsApp

Xitay hökümiti bashqurishidiki “Xelq géziti” 5-iyulda mexsus obzor maqalisi élan qilip, “Shimaliy atlantik ehdi teshkilati” (NATO) ni “Birinchi nomurluq xelq düshmini” dep jakarlighan.

Xitay aliy hökümranliq qatlimi köp qétim qollan'ghan “Jong shéng” texellusida élan qilin'ghan bu maqalide “Soghuq urushning kona muqamlirini asiya-tinch okyan rayonida tekrarlashqa yol qoyushqa qet'i bolmaydu” déyilgen. Emma “Xelq géziti” ge qaritilghan yüksek derijidiki kontrolluq we nazaret tüpeylidin gherb dunyasidiki köpligen kishiler bundaq bir maqalining uqushmasliq tüpeylidin élan qilinip qalmaydighanliqini, shunga buning xitay merkiziy hökümitidiki munasiwetlik kattiwashlarning ruxsiti bilen élan qilin'ghan “Alahide eser” ikenlikini tekitligen.

“Heptilik xewerler” gézitining 6-iyuldiki maqaliside xitay hökümitining bu meydanigha baha bérilip: “Shübhisizki, xitayning bu meydani ularning gherb dunyasigha qarshi mewqesining izchil dawam qiliwatqanliqining eng yéngi delili,” déyilgen.

Melum bolushiche, “Shimaliy atlantik ehdi teshkilati” 29-iyun élan qilin'ghan eng yéngi istratégiyelik qollanmida tunji qétim xitayni özlirining “Iqtisadiy menpe'etliri, bixeterliki we qimmet qarashliri üchün tehdit” dep qarar alghan iken. Shu waqitta NATO ning bash katipi jéns stolténbérg ependi (Jens Stoltenberg) éniq qi'ilip: “Biz xitayni reqip yaki düshmen dep qarimaymiz. Emma ularning bizge qarshi peyda qiliwatqan tehditlirige qarapmu olturalmaymiz” dégen iken. Emdilikte xitayning buninggha qayturghan inkasi buningdin nechche hesse ashqan halda “Birinchi nomurluq düshmen” dégen shekilde otturigha chiqqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.