NATO Ниң баш катипи хитай ташқий ишлар министери ваң йи билән сөһбәтләшкән

Мухбиримиз әзиз
2021-09-28
Share

"шималий атлантик әһди тәшкилати" (NATO) ниң баш катипи җенс столтенберг 27-сентәбир күни хитай ташқи ишлар министири ваң йи билән торда сөһбәтләшкән һәмдә бәзи хәлқаралиқ мәсилиләрни қисқичә муһакимә қилишқан.

Бу һәқтики хәвәрдә ейтилишичә, шималий атлантик әһди тәшкилатиниң баш катипи столтенберг өзлириниң хитайни "рәқиб" дәп қаримайдиғанлиқини тәкитләш билән биргә хитайни хәлқаралиқ системидики мәҗбурийәтлирини ада қилишқа чақирған. Шуниңдәк хитайниң һәрбий вә сиясий саһәдики бәзи һәркәтлиридин әндишигә чүшүватқанлиқини ипадилигән. У йәнә хитайни әһмийәтлик сөһбәтләр арқилиқ һәр икки тәрәпкә пайдилиқ болған иҗабий нәтиҗиләрни вуҗутқа чиқиришқа үндигән.

Мәлум болушичә, бу "NATO" ниң хитай һәққидики мәвқәсидә көрүлгән зор өзгириш, дәп қариливатқан болуп, бәзиләр буни америка-хитай мунасивитидә барлиққа келиватқан йеңичә "юмшаш" вәзийитиниң инкаси, дәп қаримақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт