Xitayning xirisi tunji qétim shimaliy atlantik ehdi teshkilatining yéngi istiratégiye tessewwurigha kirgüzülgen

Muxbirimiz erkin
2022.04.08
Share on WhatsApp
Share on WhatsApp

Shimaliy atlantik ehdi teshkilati (NATO) xitayning bixeterlik we démokratiyege séliwatqan sistémiliq xirisi tüpeyli uning yer shariwiy tesiri we mejiburlash siyasitini tunji qétim özining yéngi istiratégiye tessewurigha kirgüzgen.

Melum bolushiche, xitayning tesiri shimaliy atlantik okyan ehdi teshkilati tashqiy ishlar ministirlirining 6-we 7-aprél künliri béryussélda ötküzülgen yighinida muzakire qilin'ghan. Sh a e t ning bash katipi stolténbérg 7-aprél ötküzgen axbarat yighinida, tashqiy ishlar ministirlirining ukra'inagha yardemni téximu kücheytish we dawamlashturush bilen bir waqitta, asiya-tinch okyan rayonidiki hemkarliqni kücheytishke qoshulghanliqini éytqan. Sh a e t ning bu nöwetlik yighinigha ukra'ina, groziye, shiwétsiye, finlandiyedin bashqa uning asiya-tinch okyan rayonidiki shérikliridin awstiraliye, yaponiye, yéngi zélandiye, jenubiy koriye qatarliq döletlermu qatnashqan.

Melum bolushiche, xitayning rusiyege bolghan maliye we herbiy yardimi sh a e t da ukra'ina urushining téximu uzun'gha sozulup kétish endishisini kücheytken bolup, u asiye-tinch okyan rayonidiki döletler bilen bolghan hemkarliqini kücheytish arqiliq, xitayning rusiyege yardem qilishini tosushni ümid qilmaqta iken. Stolténbérg axbarat yighinida mundaq digen: “Biz xitayning rusiyening tajawuzchiliqini tenqid qilishni xalimaydighanliqini körduq. Béyjing bilen moskwa izchil bashqa döletlerning öz yolini tallash hoquqi barliqidin guman qilip keldi. Bu bizning hemmimiz üchün intayin jiddiy xiris. Bu bizning téximu ittipaqliship, qimmet qarishimizni qoghdishimizning zörüriyitini yenimu hés qildurdi.”

Melum bolushiche, sh a e t tashqiy ishlar ministirliri yene bu yil 6-aydiki madrid bashliqlar yighinidin burun sh a e t ning kéyinki basquchliq istratégiye tesewwurini muzakire qilghan. Stolténbérg, sh a e t ning yéngi istratégiye tesewwuri yéngi bixeterlik ré'alliqigha masliship, xitayning tesir küchi we mejiburlash xaraktérlik siyasitini oylishishqa éhtiyaj tuyghanliqini bildürgen. U shimaliy atlantik ehdi teshkilati “Tunji qétim xitayning künséri küchiyiwatqan tesir küchi we mejburlash xaraktérlik siyasitining bixeterlikimizge qandaq tesir körsitidighanliqini choqum oylishishi zörür boldi,” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.