Уйғур нахшичи пәрһат халиқ сингапорда маһарәт көрсәтмәкчи

Мухбиримиз әзиз
2016-03-24
Share

Сингапорниң "боғуз вақти" гезитиниң хәвиригә қариғанда, өткән һәптә ню-йорк шәһиридики мәдәнийәт паалийитидә нахша орунлиған уйғур нахшичи пәрһат халиқ бу йил 22-июндин 9-июлғичә өткүзүлидиған " сингапор хәлқара сәнәт байрими" һарписида маһарәт көрситидикән.

Пәрһатниң мухбир билән болған сөһбитидин мәлум болушичә, бу, униң тунҗи қетим сингапорға бериши һесаблинидикән. Бу йил язда өткүзүлидиған маһарәт көрситиштә пәрһат уйғурчә вә хитайчә нахшиларни орунлайдикән. Униң нахшилири уйғур әнәниви услуби билән һазирқи заман толғанма уссул музикисиниң бирикмиси шәклидә орунлинидиған болуп, пәрһатниң қаришичә, уйғур музикиси билән толғанма уссул музикилири бир-бирини толуқлаш характеригә егә икән.

Мухбирниң қаришичә, хитайларниң мәдәнийәт җәһәттики сиңип кириши күчийиватқан һазирқи шараитта, пәрһатниң нахшилирида уйғур әнәниви музикиси вә хәлқ нахшилиридики азадилик көпрәк әкс етиду, дәп қарашқа болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт