Қазақлар астана айродромини назарбайефниң нами билән атайду

Мухбиримиз үмидвар
2017-06-25
Share

Қазақистанниң пайтәхти астана шәһиридики астана хәлқара айродроминиң "нурсултан назарбайеф хәлқара айродроми" дәп аташ қарар қилинған болуп, пәрғанә учур ториниң йезишичә, йеқинда қазақистан баш министири бақитҗан сағинбайеф бу һәқтики мәхсус қарарға имза қойған.

Бу айродромда йәнә йеңи хәлқаралиқ учуш-чүшүш йоли ечилған болуп, бу йол йилда бәш милйон адәм үчүн хизмәт қилидикән, нөвәттә, астана хәлқара айродроми көлими чоң айродромларниң биригә айландурулған болуп әслидә мәзкур айродромни нурсултан назарбайефниң намида аташ 2009-йили оттуриға чиққан. Ахири бу қарар әмди чиқирилған.

Оттура асия рәһбәрлириниң намини хәлқаралиқ айродромларға қоюш йеңилиқ әмәс, 2017-йили, 4-май күни ташкәнт хәлқара айродроми мәрһум өзбекистан президенти ислам кәримофниң нами билән аталған иди.

1989-Йилидин буян қазақистанни идарә қиливатқан назарбайефқа илгири -кейин қазақистан хәлқиниң "әл баши" дегәндәк бир қатар шәрәп намлири берилгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт