Хитайниң чиңдав шәһиридә нефит турубиси партлап кетип, аз дегәндә 35 адәм өлди

Мухбиримиз әркин
2013-11-22
Share

Җүмә күни, хитайниң шәндуң өлкисигә қарашлиқ чиңдав шәһиридә йәр асти нефит турубиси партлап кетип, аз дегәндә 35 адәм өлгән, 166 адәм яриланған.

Хитай даирилири дәрһал вәқәниң террорлуқ һәрикити әмәсликини елан қилған. Әгәр бу террорлуқ вәқәси болмиса, у һалда бу мушу бир йил ичидә йүз бәргән әң еғир санаәт вәқәси болуп һесаблиниду.

Хитай ахбарат васитилириниң хәвәр қилишичә, хитай дөләт рәиси ши җинпиң партлашниң сәвәбини ениқлап чиқиш, из дерәксиз йоқап кәткәнләрни издәш вә яридарларни қутқузуш һәққидә йәрлик даирилиригә буйруқ бәргән.

Партлаш йүз бәргән нефит турубиси хитай дөләтлик нефит ширкитигә қарашлиқ болуп, ширкәт "вәқәниң мәсулийити сүрүштүрүлидиғанлиқи" ни билдүргән.

Чиңдав шәһәрлик муһит идариси, нефитниң деңизға еқип кетишидин сақлиниш тәдбири алғанлиқини билдүргән болсиму, бирақ 3000 квадрат метирлиқ даирә аллиқачан булғинип болған.

Даириләр вәқәниң террорлуқ икәнликини рәт қилған болсиму, бирақ партлашни ниминиң кәлтүрүп чиқарғанлиқи мәҗһул. Даириләр партлаш сәвәбини тәкшүрүватқанлиқини билдүргән.

Көзәткүчиләрниң илгири сүрүшичә, бу вәқә хитай җәмийитидә нефит турубилириниң бихәтәрлик вә муһит хәвпигә нисбәтән әндишини күчәйтиши мумкин.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт