Xitayning chingdaw shehiride néfit turubisi partlap kétip, az dégende 35 adem öldi

Muxbirimiz erkin
2013-11-22
Share

Jüme küni, xitayning shendung ölkisige qarashliq chingdaw shehiride yer asti néfit turubisi partlap kétip, az dégende 35 adem ölgen, 166 adem yarilan'ghan.

Xitay da'iriliri derhal weqening térrorluq herikiti emeslikini élan qilghan. Eger bu térrorluq weqesi bolmisa, u halda bu mushu bir yil ichide yüz bergen eng éghir sana'et weqesi bolup hésablinidu.

Xitay axbarat wasitilirining xewer qilishiche, xitay dölet re'isi shi jinping partlashning sewebini éniqlap chiqish, iz déreksiz yoqap ketkenlerni izdesh we yaridarlarni qutquzush heqqide yerlik da'irilirige buyruq bergen.

Partlash yüz bergen néfit turubisi xitay döletlik néfit shirkitige qarashliq bolup, shirket "Weqening mes'uliyiti sürüshtürülidighanliqi" ni bildürgen.

Chingdaw sheherlik muhit idarisi, néfitning déngizgha éqip kétishidin saqlinish tedbiri alghanliqini bildürgen bolsimu, biraq 3000 kwadrat métirliq da'ire alliqachan bulghinip bolghan.

Da'iriler weqening térrorluq ikenlikini ret qilghan bolsimu, biraq partlashni nimining keltürüp chiqarghanliqi mejhul. Da'iriler partlash sewebini tekshürüwatqanliqini bildürgen.

Közetküchilerning ilgiri sürüshiche, bu weqe xitay jem'iyitide néfit turubilirining bixeterlik we muhit xewpige nisbeten endishini kücheytishi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.