Хитай нәнҗин қирғинчилиқи инкар қилинған журнал сәвәблик японийәниң апа меһманханисини байқут қилди

Мухбиримиз меһрибан
2017.01.24
Share on WhatsApp
Share on WhatsApp

22-январ йәкшәнбә күни японийәниң токйо шәһиридики апа меһманханисида, нәнҗин қирғинчилиқи инкар қилинған бир журнал байқалған болуп, бу вәқәдин кейин, хитай ташқи ишлар баянатчиси 23-январ дүшәнбә күни наразилиқ баянати бәргән. 24-январ хитай дөләтлик саяһәт идариси йәнә, японийәдә зәнҗирсиман тиҗарәт қилидиған апа меһманханисини байқут қилидиғанлиқини елан қилип, японийәгә баридиған хитай саяһәтчилириниң апа намидики меһманханилардин ятақ елиши чәклинидиғанлиқини уқтурди.

Хитайниң наразилиқиға қарита японийә ички ишлар министирлиқи 23-январ дүшәнбә баянат елан қилип, хитайни тарихий вәқәләрни бәк юқири принсипқа көтүрүвәтмәсликкә чақирған.

Мәлум болушичә, хитайниң 2-дуня урушиға аит тарих китаблирида 1937-йили япон армийиси әйни чағдики гоминдаң һөкүмитиниң пайтәхти нәнҗинни игиләш урушида мәзкур шәһәрдики хитай пуқралириға қарита кәң көләмлик қирғинчилиқ елип барғанлиқи қәйт қилинидиған. Хитайда “1937-йилдики нәнҗин қирғинчилиқи” йәнә, муһим тарихий вәқә сүпитидә хитай мәктәплириниң тарих дәрсликигә киргүзүлгән. Әмма японийәниң 2-дуня уруши һәққидики тарихий материяллирида болса, әйни йили хитайниң гоминдаң армийиси билән японийә армийиси оттурисида нәнҗин шәһирини талишиш уруши елип берилғанлиқи, уруштин кейин ғәлибә қилған япон армийиси шәһәргә киргәндин кейин, хитай тәкитлигән аталмиш “нәнҗин қирғинчилиқи” йүз бәрмигәнлики илгири сүрүлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.