Nyuyork sen'et merkizide ötküzülgen medeniyet pa'aliyitige Uyghur sen'etchiliri qatnashti

Muxbirimiz méhriban
2016-03-21
Share


20 - Mart küni nyuyork shehiridiki watér mill sen'et merkizide ötküzülgen medeniyet pa'aliyitide, mezkur merkezning teklipi bilen pa'aliyetke qatnashqan Uyghur sen'etchiliridin töwen awazliq naxsha cholpini perhat xaliq, usul mutexesisi muqeddes mijit qatarliqlar özliri orunlighan nadir nomurliri bilen alqishqa érishken.

Mezkur medeniyet pa'aliyiti amérikiliq fotograf liza rossning teshebbusi bilen orunlashturulghan. Liza ross on nechche yildin buyan Uyghur örp - aditi, medeniyiti we Uyghurlarning kündilik hayatigha béghishlan'ghan foto resim körgezmiliri bilen tonulghan sen'etkar.

Liza rossning ijtima'iy alaqe tori feysbokqa yollighan uchurliridin melum bolushiche, gérmaniye qétiq sen'et ömiki bilen yawropa döletliride gitar arqiliq orunlighan töwen awazliq naxshiliri bilen xelq'arada tonulghan, norwigiye padishahliq sen'et mukapatigha érishken Uyghur naxshichi perhat xaliq we usulchi muqeddes mijit orunlighan nomurlar pa'aliyetke qatnashqan tamashibinlarning qizghin alqishigha érishken.

Melum bolushiche, perhat xaliq we muqeddes mijitlar yene amérikining siyatol shehiride 29 - mart ötküzülidighan medeniyet sen'et pa'aliyitigimu qatnishidighan bolup, bu qétim ular nyuyork watér mill sen'et merkizi we siyatol shehiridiki asiya sen'et muziyining teklipi bilen medeniyet pa'aliyetlirige qatnishish üchün amérikigha kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.