Найке, патагонийә қатарлиқлар уйғур мәҗбурий әмгики сәвәблик голландийәдә сотға берилгән

Мухбиримиз әркин
2021-12-03
Share

Хәлқара даңлиқ маркилардин зара қатарлиқ ширкәтләр уйғур мәҗбурий әмгики сәвәблик фирансийәдә сотқа тартилғандин кейин, найке, патагонийә, C&A қатарлиқ ширкәтләрму голландийәдә сотқа тартилған. “җәнубий хитай сәһәр почтиси” гезитиниң хәвәр қилишичә, голландийәдики бир кишилик һоқуқ тәшкилати найке, патагонийә вә C& A қатарлиқ бу 3 ширкәтни уйғур мәҗбурий әмгикидин пайдилиниш билән билән әйиблинип кәлгән хитай мал тәминлигүчи ширкәтлирини ишлитип, голландийә қанунлириға хилаплиқ қилиш билән әйибләнгән.

Мәлум болушичә, бу, явропада фирансийә вә германийәдин кейин уйғур мәҗбурий әмгикигә четишлиқ, дәп әйиблинип сотқа тартилған 3-дело икән. Бу дело йеқинда әнглийәдики һаллам шефелд университетиниң бир тәтқиқат мәркизи хитайниң “шинҗаң пахтиси” ни шәрқий-җәнубий асиядики бәзи дөләтләрдә пишшиқлап ишләп, давамлиқ хәлқара даңлиқ маркиларни мал билән тәминләватқанлиқини ашкарилиған бир вақитта сунулған. Мәзкур тәтқиқат мәркизиниң доклатида, хитайниң бу арқилиқ “шинҗаң пахтиси” ниң келиш мәнбәсини йошуруватқанлиқи тәкитләнгәниди.

“җәнубий хитай сәһәр почтиси” гезитиниң ашкарилишичә, голландийәдики “явропа асаси қанун вә кишилик һоқуқ мәркизи” намлиқ аммиви тәшкилат бу һәптә юқириқи 3 ширкәт үстидин голландийә сотиға рәсмий әрз сунған. Мәлум болушичә, “явропа асаси қанун вә кишилик һоқуқ мәркизи” бу даңлиқ маркиларни инсанлиққа қарши җинайәт тәшкил қилиш еһтималлиқи болған уйғур мәҗбурий әмгикигә шерик болуш билән билән әйиблигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт