Nayké, patagoniye qatarliqlar Uyghur mejburiy emgiki seweblik gollandiyede sotgha bérilgen

Xelq'ara dangliq markilardin zara qatarliq shirketler Uyghur mejburiy emgiki seweblik firansiyede sotqa tartilghandin kéyin, nayké, patagoniye, C&A qatarliq shirketlermu gollandiyede sotqa tartilghan. “Jenubiy xitay seher pochtisi” gézitining xewer qilishiche, gollandiyediki bir kishilik hoquq teshkilati nayké, patagoniye we C& A qatarliq bu 3 shirketni Uyghur mejburiy emgikidin paydilinish bilen bilen eyiblinip kelgen xitay mal teminligüchi shirketlirini ishlitip, gollandiye qanunlirigha xilapliq qilish bilen eyiblen'gen.

Melum bolushiche, bu, yawropada firansiye we gérmaniyedin kéyin Uyghur mejburiy emgikige chétishliq, dep eyiblinip sotqa tartilghan 3-délo iken. Bu délo yéqinda en'gliyediki hallam shéféld uniwérsitétining bir tetqiqat merkizi xitayning “Shinjang paxtisi” ni sherqiy-jenubiy asiyadiki bezi döletlerde pishshiqlap ishlep, dawamliq xelq'ara dangliq markilarni mal bilen teminlewatqanliqini ashkarilighan bir waqitta sunulghan. Mezkur tetqiqat merkizining doklatida, xitayning bu arqiliq “Shinjang paxtisi” ning kélish menbesini yoshuruwatqanliqi tekitlen'genidi.

“Jenubiy xitay seher pochtisi” gézitining ashkarilishiche, gollandiyediki “Yawropa asasi qanun we kishilik hoquq merkizi” namliq ammiwi teshkilat bu hepte yuqiriqi 3 shirket üstidin gollandiye sotigha resmiy erz sun'ghan. Melum bolushiche, “Yawropa asasi qanun we kishilik hoquq merkizi” bu dangliq markilarni insanliqqa qarshi jinayet teshkil qilish éhtimalliqi bolghan Uyghur mejburiy emgikige shérik bolush bilen bilen eyibligen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar