Никкий халей: “мишел бәчелетни тездин иштин бошитиш лазим!”

Мухбиримиз әзиз
2022.06.02
Share on WhatsApp
Share on WhatsApp

Бирләшкән дөләтләр тәшкилати (б д т) кишилик һоқуқ кеңишиниң алий комиссари мишел бачелетниң хитай сәпири бир қетимлиқ хаталиқ вә мәғлубийәт, дәп қариливатқанда, америка сиясий саһәсидики көзгә көрүнгән кишиләрниң бири, америка һөкүмитиниң б д т дики сабиқ баш әлчиси никкей халей ханим (Nikki Haley) бу һәқтә сөз қилип: “мишел бачелетни б д т дәрһал иштин бошитиши лазим,” дегән.

“дөләтлик баһа” гезитиниң 2-июндики обзор мақалисидә көрситилишичә, никкий халей ханим йеқинда ахбарат вастилириниң бу һәқтики зияритини қобул қилип: “б д т ниң йоқури дәриҗилик әмәлдари болған мишел бачелет бу қетимқи хитай зиярити җәрянида өзиниң хитай үчүн тәшвиқатчи болғанлиқини испатлиди. Униң бу қилмиши қирғинчилиқта һаятидин айрилғанларға қилинған еғир һақарәт.” дегән. Шуниңдәк б д т ниң нишани вә хизмәт әхлақини қилчиликму әмәлгә ашуралмиған бундақ бир хизмәтчини тездин иштин бошитишниң зөрүрлүкини тәкитлигән.

Мәлум болушичә, мишел бачелет өзиниң алтә күнлүк хитай сәпири җәрянида уйғур дияридики қирғинчилиқ, мәҗбурий әмгәк вә башқа зулумлар һәққидә бир еғизму сөз қилмиған. Шуниңдәк “хитай һөкүмити намратлиқни түгитиш вә кишилик һоқуқни һемайә қилишта аҗайип зор утуқларни қолға кәлтүрүпту” дегән. Улар йәнә йерим йилдин буян бесип қоюлуватқан уйғурлар һәққидики доклатни елан қилишни арқиға сүрүп кәлмәктә икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт