Nikkiy xaléy: “Mishél bechélétni tézdin ishtin boshitish lazim!”

Muxbirimiz eziz
2022.06.02
Share on WhatsApp
Share on WhatsApp

Birleshken döletler teshkilati (b d t) kishilik hoquq kéngishining aliy komissari mishél bachélétning xitay sepiri bir qétimliq xataliq we meghlubiyet, dep qariliwatqanda, amérika siyasiy sahesidiki közge körün'gen kishilerning biri, amérika hökümitining b d t diki sabiq bash elchisi nikkéy xaléy xanim (Nikki Haley) bu heqte söz qilip: “Mishél bachélétni b d t derhal ishtin boshitishi lazim,” dégen.

“Döletlik baha” gézitining 2-iyundiki obzor maqaliside körsitilishiche, nikkiy xaléy xanim yéqinda axbarat wastilirining bu heqtiki ziyaritini qobul qilip: “B d t ning yoquri derijilik emeldari bolghan mishél bachélét bu qétimqi xitay ziyariti jeryanida özining xitay üchün teshwiqatchi bolghanliqini ispatlidi. Uning bu qilmishi qirghinchiliqta hayatidin ayrilghanlargha qilin'ghan éghir haqaret.” dégen. Shuningdek b d t ning nishani we xizmet exlaqini qilchilikmu emelge ashuralmighan bundaq bir xizmetchini tézdin ishtin boshitishning zörürlükini tekitligen.

Melum bolushiche, mishél bachélét özining alte künlük xitay sepiri jeryanida Uyghur diyaridiki qirghinchiliq, mejburiy emgek we bashqa zulumlar heqqide bir éghizmu söz qilmighan. Shuningdek “Xitay hökümiti namratliqni tügitish we kishilik hoquqni hémaye qilishta ajayip zor utuqlarni qolgha keltürüptu” dégen. Ular yene yérim yildin buyan bésip qoyuluwatqan Uyghurlar heqqidiki doklatni élan qilishni arqigha sürüp kelmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.