Ningshada tungganlarning diniy telimde ereblishishi cheklendi

Muxbirimiz méhriban
2017-01-03
Share

Bultur yil axiri xitayda yüz bergen "Musulmanlartori" ning taqilishi we "Halal" yémeklik talash-tartishidin kéyin, da'irilerning yémekliklerde "Halal" sözining ornigha "Musulmanche yémeklik" markisini qollinishni telep qilishi we ningsha aptonom rayonining partkom sékrétari li jyenxu'aning islam dinining ereblishishi cheklinidighanliqi heqqide dégen sözliri jiddiy inkas qozghidi.

Xitay xewerliridin melum bolushiche, ningsha tunggan aptonom rayonining partkom sékrétari li jyenxu'a yéngi yil harpisida diniy sahedikilerge söz qilip,"Merkiziy hökümetning yolyoruqigha asasen ningsha,shinjang qatarliq jaylarda islam dinining ereblishishining aldini élish kérek. Chet'ellerdiki islami teshkilatlargha qatnishish, diniy mesile emes, belki jiddiy siyasiy mesile" dégen we "Junggoche islam dinida ching turush" ni tekitligen.

Ijtima'iy taratqulardiki munazirilerde, da'irilerning yéqindin buyan tungganlar rayonidimu diniy cheklimilerni köpeytip, erebche "Halal" sözige diniy radikalliq ipadisi dégendek qalpaqlarni kiydürüp "Halal" markisini cheklesh, tungganlar arisida barghanche küchiyiwatqan erebche öginish qizghinliqini cheklesh, yéngidin meschit sélishqa ruxset qilmasliq qatarliq wasitilerni qollinip tungganlarning diniy étiqadini basturushni kücheytkenliki söz témisi boldi. Dunya Uyghur qurultiyi bayanatchisi dilshat rishit bu yüzlinishning yaman aqiwiti heqqide toxtilip, "Da'irilerning tungganlar rayonidimu diniy étiqad cheklimisini kücheytishi, tunggan musulmanlirining naraziliq keypiyatini kücheytip Uyghur diyaridiki qarshiliq heriketlirige oxshash radikal qarshiliqning tungganlar rayonidimu yüz bérishige seweb bolidighanliqi" ni agahlandurdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.