Bu yilliq nobél iqtisad mukapati 3 amérikiliqqa bérildi

Muxbirimiz erkin
2013-10-14
Share

Bu yilliq nobél iqtisad mukapati éwgéni fama, laris pétér xensén we robért shéllér qatarliq 3 neper amérikiliqqa bérildi. Nobél komitétining bildürüshiche, bu 3 kishige “Mal-mülk bahasining tejribichilik analizi” sahesidiki töhpisi üchün, bu yilliq nobél mukapati layiq körülgen.

Nobél komitéti yene, ularning élip barghan tetqiqati hazirqi mal-mülk bahasini chüshinishning asasini hazirlighanliqini bildürgen. Amérika chikago uniwérsitétining proféssori éwgéni fama, pay chékining heqiqiy bahasini qisqa waqit ichide perez qilishning pewqul'adde müshküllükini otturigha qoyup, bu jehettiki boshluqni toldurghan. U, qisqa mezgillik pay chéki bahasi her waqit yéngi uchurning téz tesirige uchrap turaqsizliq peyda bolidighanliqini ispatlighan.

Nobél komitéti, famaning tetqiqat netijisi kéyinki tetqiqatlargha “Chongqur tesir körsitip” bazar aborti we bazar mölcherleshke özgirish élip kelgenlikini bildürgen.

Chikago uniwérsitétining yene bir proféssori laris pétér xensén, statistika ilmiy usuli arqiliq mal-mülk bahasini ölchesh nezeriyisini otturigha qoyghan.

Yél uniwérsitétining proféssor robért shéllér, pay chéki bahasidiki chüshüsh we chiqish ösümining chiqish-chüshüshidin zor derijide halqip kétidighanliqini otturigha qoyghan. U, 1980‏-yillarda otturigha qoyghan bu keshpiyati üchün bu yilliq nobél mukapatigha layiq körülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet