2014-Yilliq nobél fizika mukapati 3 neper yaponiyelik alimgha bérildi

Muxbirimiz méhriban
2014-10-07
Share

2014-Yilliq nobél fizika mukapati isamu akasaki, xroshi amano we suji nakamura qatarliq 3 neper yaponiyelik fizika alimigha bérildi.

Amérika s n n téléwiziyisining 7-öktebir xewiridin melum bolushiche, bu yilliq nobél fizika mukapatini bahalash komitétidin proféssor staffan normark shiwétsiye royal akadémiyisining 2014-yilliq nobél fizika mukapatini kök renglik nur énérgiyisi (LED)ni keship qilghan yaponiye nagoya uniwérsitétining proféssorliri isamu akasaki, xroshi amano we amérikida tughulghan kaliforniye uniwérsitétining yapon millitidin bolghan proféssori su ji nakura qatarliq üch neper alimgha bérilgenlikini élan qilghan.

Xewerlerdin melum bolushiche, bu üch alim ijad qilghan kök renglik nur énérgiyisi ilgiriki aq renglik we qizil renglik nur énérgiyelirige qarighanda zor derijidiki énérgiyini téjesh iqtidarigha ige bolup, köpligen fizika alimliri uzun yillardin buyan bu xil kök renglik nur énérgiyesini wujudqa chiqirish yolida izdinip kelgen.

Düshenbe küni nobél méditsina mukapati amérikiliq proféssor jon yawropa we norwégiyelik édward musés er-xotunlargha bérilgen bolup, ular chong ménge sistémisining bashqurush merkizini bayqighanchliqi üchün 2014-yilliq nobél méditsina mukapatigha érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet