3 Нәпәр теббий пән алими бу йиллиқ нобел медитсина мукапатиға һәмшерик болған

Мухбиримиз қутлан
2015-10-05
Share

Бирләшмә агентлиқниң ситокһолмдин бәргән хәвиригә қариғанда, иреландийә, японийә вә хитай вәтәндашлиқидики 3 нәпәр теббий пән алими бу йиллиқ нобел медитсина мукапатиға һәмшерик болған.

Улар-иреландийәлик вилям кампел, японийәлик сатоши омура вә хитайлиқ ту йовйов икән.

Уларниң маларийә вә паразитлиқ юқумлуқ кесәлликләргә қарши охшимиған нуқтидин байқиған дориси медитсина саһәсидә зор байқашни мәйданға кәлтүргән.

Мәлум болушичә, һәр йили йәр шарида милйонларчә инсан маларийә вә паразитлиқ юқумлуқ кесәлликләр сәвәбидин һаятидин айрилидикән. Буниң алдини алидиған үнүмлүк дориниң байқилиши теббий пән саһәсидә зор илгириләшни мәйданға кәлтүргән.

Бу йиллиқ нобел медитсина мукапатиға һәмшерик болған ту йовйов хитайда туруп нобел мукапатиға еришкән 3-киши икән. Униң алдида лю шавбо тинчлиқ түри бойичә, мо йен әдәбият түри бойичә нобел мукапатиға еришкән.

Бу йил 84 яшқа киргән ту йовйов хитай пәнләр академийисиниң хитай әнәниви тебабити саһәсидики профессори болуп, у хитай тебабитидики дорилиқ өсүмлүкләрдин маларийә вә юқумлуқ кесәлликләргә қарши дора тәркибини айрип чиққан икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт