3 Neper tébbiy pen alimi bu yilliq nobél méditsina mukapatigha hemshérik bolghan

Muxbirimiz qutlan
2015-10-05
Share

Birleshme agéntliqning sitokholmdin bergen xewirige qarighanda, irélandiye, yaponiye we xitay wetendashliqidiki 3 neper tébbiy pen alimi bu yilliq nobél méditsina mukapatigha hemshérik bolghan.

Ular-irélandiyelik wilyam kampél, yaponiyelik satoshi omura we xitayliq tu yowyow iken.

Ularning malariye we parazitliq yuqumluq késelliklerge qarshi oxshimighan nuqtidin bayqighan dorisi méditsina saheside zor bayqashni meydan'gha keltürgen.

Melum bolushiche, her yili yer sharida milyonlarche insan malariye we parazitliq yuqumluq késellikler sewebidin hayatidin ayrilidiken. Buning aldini alidighan ünümlük dorining bayqilishi tébbiy pen saheside zor ilgirileshni meydan'gha keltürgen.

Bu yilliq nobél méditsina mukapatigha hemshérik bolghan tu yowyow xitayda turup nobél mukapatigha érishken 3-kishi iken. Uning aldida lyu shawbo tinchliq türi boyiche, mo yén edebiyat türi boyiche nobél mukapatigha érishken.

Bu yil 84 yashqa kirgen tu yowyow xitay penler akadémiyisining xitay en'eniwi tébabiti sahesidiki proféssori bolup, u xitay tébabitidiki doriliq ösümlüklerdin malariye we yuqumluq késelliklerge qarshi dora terkibini ayrip chiqqan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet