Хитайниң йеңи нопус статистикиси: хитайда нопусниң көпийиши астилап, нопусниң қерилишиши еғирлашқан

Мухбиримиз әркин
2021-05-11
Share

Хитай һөкүмити 11-май күни ‍өзиниң 10 йилда бир қетим елип берилидиған йеңи нопус тәкшүрүш нәтиҗисини елан қилип, 2020-йили 11-айниң 1-күнигичә хитай омуми нопусиниң бир милярд 411 милйон 780 миңға йетип барғанлиқини җакарлиған.

Хитай дөләтлик ‍статистика идарисиниң билдүрүшичә, хитай нопуси 2010-йилқидин 72 милйон 600 миң адәм көпийип, 10 йил ичидә 5. 38 Пирсәнт артқан. Бирақ нопусниң көпийиш нисбити 2000-йилдин 2010-йилғичә болған арилиққа қариғанда астилиған.

Хитай дөләтлик ‍статистика идарисиниң ейтишичә, болупму нопусниң көпийишиниң астилиши 2017-йилдин кейин техиму гәвдилик болған. Әмгәк йешидики нопус вә туғут йешидики аялларниң көлими азийип, нопусниң қерилишиши еғирлашқан. Нопусниң қерилишиши хитайниң "негизлик дөләт әһвали" ға айланған.

Хитайниң бу қетимлиқ нопус статистикиси хитай һөкүмити ‍уйғурларға "ирқий қирғинчилиқ" елип берип, йеқинқи бир қанчә йил ичидә уйғур нопусиниң зор көләмдә азийип кетишини кәлтүрүп чиқириш, хитай аяллирини техиму көп туғушқа риғбәтләндүрсиму, бирақ уйғур аяллирини мәҗбурий туғмас қилиш билән әйиблиниватқан мәзгилдә елан қилинған.

‍Уйғур нопусиниң йеқинқи бир қанчә йил ичидики өзгириши хитайниң йеңи нопус истатистикисида қандақ әкс әткәнлики мәлум әмәс. "ню-йорк вақти" гезитиниң 10-май елан қилған бу һәқтики доклатида ейтилишичә, мутәхәссисләр 2019-йили уйғур илидики ‍уйғурларни асас қилған наһийәләрдә туғулуш нисбитиниң 50 пирсәнт әтрапида азайғанлиқи, бу әһвал хитайниң мәмликәт миқясида аран 4 % икәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт