Nur bekri Uyghur élining bayliqlirini échish salmiqi ashurulidu, dédi

Muxbirimiz irade
2015.03.05

Xitay döletlik énérgiye idarisining bashliqi nur bekri béyjingda échiliwatqan xelq qurultiyida Uyghur élining énérgiyesini échish salmiqining zoraytilidighanliqini éytqan. U, qurultayda muxbirlarning mexsus ziyaritini qobul qilghanda Uyghur élining énérgiye ishlepchiqirishtiki chong rayonluqini eskertken we döletlik énérgiye idarisi shinjangning énérgiyesini échish salmiqini zoraytidu, dégen.

Xitay hökümiti shinjang xizmiti yighinidin kéyin “Halqima tereqqiyat” nami astida Uyghur élidiki bayliq menbelirini échish sür'itini shiddet bilen ashurush bilen birlikte köchmen yötkeshnimu tézletken idi. Xelq'aradiki közetküchiler buni Uyghur élidiki siyasiy muqimsizliq we ékologiyelik tengpungsizliqning asasi, dep körsitip xitay hökümitini agahlandurup kelmekte.

Biraq, nur bekrining sözi xitay hökümitining bu chaqiriqlargha qulaq salmighanliqini körsetmekte. Uyghur élining sabiq re'isi bolghan nur bekri bu yilning béshida xitay hökümiti teripidin memliketlik xelq qurultiyi wekili, döletlik tereqqiyat-islahat komitétining mu'awin mudiri, döletlik énérgiye idarisining bashliqliq wezipisige teyinlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.