Shényang sheherlik teptish mehkimisi nur bekrining délosi üstidin eyibname sun'ghan

Muxbirimiz sada
2019-05-08
Share

Xitay döletlik tereqqiyat-islahat komitétining sabiq mu'awin mudiri, xitay döletlik énérgiye idarisining sabiq bashliqi, Uyghur aptonom rayonining sabiq re'isi nur bekri bu yil 2-aprél küni "Paraxorluq we chiriklik" jinayiti bilen resmiy qolgha élin'ghan idi. Yéqinda xitay memliketlik aliy teptish mehkimisining körsetmisi bilen liyawning ölkisining shényang sheherlik xelq teptish mehkimisi shu jaydiki ottura xelq sot mehkimisige nur bekrining délosi üstidin eyibname sun'ghan.

"Xitay xewerliri" torining 8-maydiki xewirige qarighanda, shényang sheherlik teptish mehkimisi sun'ghan eyibnamide nur bekrining ilgiri Uyghur diyarida wezipe ötigen mezgilidimu xizmet qulayliqidin paydilinip qanunsiz para élish qilmishi bilen shughullan'ghanliqi shikayet qilin'ghan. Eyibnamide eyiblen'güchining jinayi ishlar jawabkarliqining axirighiche sürüshte qilinish kérekliki tekitlen'gen.

Xewerde déyilishiche, mezkur eyibnamide "Nur bekri Uyghur aptonom rayonida wezipe ötigen mezgilide, yeni ürümchi sheherlik partkomning mu'awin sékrétari, ürümchi shehirining sheher bashliqi, Uyghur aptonom rayonluq partkomning da'imiy hey'et ezasi, Uyghur aptonom rayonluq xelq hökümitining re'isi we kéyinche xitay döletlik énérgiye idarisining bashliqi bolup turghan mezgilliride xizmet qulayliqidin paydilinip ghayet zor sommida para yégenliki we chirikleshkenliki sanap ötülgen we qanun boyiche uning jinayi jawabkarliqining sürüshtürülüshi" telep qilin'ghan.

Muhajirettiki közetküchilerning bildürüshiche, nurbekridek xitayning eng yuqiri hakimiyet qatlimida hoquq tutqan bir emeldarning qolgha élinishi we uning üstidin yuqiriqidek eyibnamining sunulushi xitay kompartiyesining rayondiki héchbir Uyghurgha ishenmeydighanliqining yarqin bir misali iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet