Нур бәкриниң тәқдири һәққидики мулаһизә ғулғула қозғиди

Мухбиримиз әзиз
2017-10-23
Share

Уйғур диярида уйғурлар «ваң бәкри» дәп аташқа адәтләнгән сабиқ қорчақ рәис нур бәкри һәққидә нөвәттә иҗтимаий таратқуларда тарқиливатқан мулаһизиләр чәтәлләрдики муһаҗирлар арисида ғулғула қозғимақта.

Америкидики хитай өктичилириниң әң базарлиқ хәвәр агентлиқлиридин бири болған «миңҗиң» тори 20-өктәбир күни тарқатқан син мулаһизисидә риясәтчи хе пин мәхсус нур бәкриниң һазирқи әһвали һәққидә тохталған. Униңда ейтилишичә, нөвәттә уйғурлар бирдәк нур бәкрини «мәркәзгә яриған, әммә уйғурларға вәкиллик қилалмиған» дәп қарайдикән. Әмма һазир дөләтлик енергийә идарисиниң башлиқи болуп ишләватқан нур бәкри 2007-йилидин 2014- йилиғичә «шинҗаң уйғур аптоном райони»ниң қорчақ рәиси болуп вәзипә өтигән мәзгилдә «бөлгүнчилик» вә «террорлуқ» вәқәлириниң көпийип кетишиниң үнүмлүк алдини алалмиған, шуңа бу җәһәттә мәлум дәриҗидә мәсулийити бар, дәп қаралмақта икән.

Хе пинниң ейтишичә, уйғурлар диярида «қош тиллиқ маарип» зор күч билән йолға қоюлған мәзгилләрдә маарип назарити уйғур мәктәпләр үчүн ишлигән дәрслик китабларға уйғурларниң миллий роһини урғутидиған көплигән текистләрни сәплигән. Әмма шу вақитларда рәис болуп ишләватқан нур бәкри бу хил «бөлгүнчилик» хаһишидики әһвалларни байқиялмиған. Буниң билән бу дәрслик материяллар он йилдин артуқ ишлитилгән.

Хе пинниң мулаһизә қилишичә, нур бәкри «партийә тәрбийәлигән кадир» болсиму юқириқидәк «икки йүзлимилик» қилмишлири сәвәблик хитай компартийәсиниң 19-қурултийиға вәкил болалмиған. Муһаҗирәттики көзәткүчиләр бу һәқтә пикир қилип, «нур бәкриниң бундақ ақивәткә дучар болуши һелиһәм хитай үчүн җан пидалиқ билән хизмәт қиливатқан уйғурларға бир ашкара сигнал,» дейишмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт