Nur bekrining teqdiri heqqidiki mulahize ghulghula qozghidi

Muxbirimiz eziz
2017-10-23
Élxet
Pikir
Share
Print

Uyghur diyarida Uyghurlar "Wang bekri" dep atashqa adetlen'gen sabiq qorchaq re'is nur bekri heqqide nöwette ijtima'iy taratqularda tarqiliwatqan mulahiziler chet'ellerdiki muhajirlar arisida ghulghula qozghimaqta.

Amérikidiki xitay öktichilirining eng bazarliq xewer agéntliqliridin biri bolghan "Mingjing" tori 20-öktebir küni tarqatqan sin mulahiziside riyasetchi xé pin mexsus nur bekrining hazirqi ehwali heqqide toxtalghan. Uningda éytilishiche, nöwette Uyghurlar birdek nur bekrini "Merkezge yarighan, emme Uyghurlargha wekillik qilalmighan" dep qaraydiken. Emma hazir döletlik énérgiye idarisining bashliqi bolup ishlewatqan nur bekri 2007-yilidin 2014- yilighiche "Shinjang Uyghur aptonom rayoni"ning qorchaq re'isi bolup wezipe ötigen mezgilde "Bölgünchilik" we "Térrorluq" weqelirining köpiyip kétishining ünümlük aldini alalmighan, shunga bu jehette melum derijide mes'uliyiti bar, dep qaralmaqta iken.

Xé pinning éytishiche, Uyghurlar diyarida "Qosh tilliq ma'arip" zor küch bilen yolgha qoyulghan mezgillerde ma'arip nazariti Uyghur mektepler üchün ishligen derslik kitablargha Uyghurlarning milliy rohini urghutidighan köpligen tékistlerni sepligen. Emma shu waqitlarda re'is bolup ishlewatqan nur bekri bu xil "Bölgünchilik" xahishidiki ehwallarni bayqiyalmighan. Buning bilen bu derslik matériyallar on yildin artuq ishlitilgen.

Xé pinning mulahize qilishiche, nur bekri "Partiye terbiyeligen kadir" bolsimu yuqiriqidek "Ikki yüzlimilik" qilmishliri seweblik xitay kompartiyesining 19-qurultiyigha wekil bolalmighan. Muhajirettiki közetküchiler bu heqte pikir qilip, "Nur bekrining bundaq aqiwetke duchar bolushi hélihem xitay üchün jan pidaliq bilen xizmet qiliwatqan Uyghurlargha bir ashkara signal," déyishmekte.

Toluq bet