Merhum yazghuchi nurmuhemmed toxti “Kishilik hoquq himayichiliri xatirisi” ge kirgüzüldi

Muxbirimiz eziz
2019-07-18
Share

Xitay hökümitining lagérigha qamalghandin kéyin jan üzgen munewwer yazghuchi nurmuhemmed toxtining nami yéqinda “Kishilik hoquq himayichiliri xatirisi” ge kirgüzüldi.

Nurmuhemmed toxti heqqidiki chüshendürüshte uning hayat kechürmishliri we edebiy ijadiyet hayati, uning edebiyat arqiliq Uyghurlarning kishilik hoquq sahesidiki éghir mesililerni, jümlidin tengsizlik, namratliq, yétimler mesilisi, ayallar mesilisi qatarliqlarni körsitip bergenliki, shundaqla mushu sewebtin lagérgha élip kétilgenliki, axirida jan üzgenliki bayan qilinidu.

Melum bolushiche, “Kishilik hoquq himayichiliri xatirisi” teshkilati asiya, afriqa we latin amérikisi qit'eliride kishilik hoquq sahesi boyiche xizmet qilidighan dunyawi teshkilat iken. Xitay hökümiti yéqinda nurmuhemmed toxtining ölümi heqqidiki melumatlarni inkar qilip, uning héchqachan lagérgha élip bérilmighanliqini, shundaqla uning héchqandaq parakendichilikke uchrimighanliqi heqqide söz qilghanidi. Radiyomiz muxbirliri igiligen ehwallar bolsa xitay hökümitining éytqanlirining pütünley yalghan ikenlikini ispatlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet