"Nyu york waqti" xitayning Uyghur we tibet mesililirini tetqiq qilidighan chet'ellik tetqiqatchilargha wiza bermeslik usuli qolliniwatqanliqini körsetti

Muxbirimiz irade
2014-07-17
Élxet
Pikir
Share
Print

Bügün "Nyu york waqti" gézitidiki mulahizide xitay hökümiti "Özige ishenchisi yoq" dep tenqid qilindi. Mulahizide xitay hökümitining chet'ellik tetqiqatchilarni xitaygha kirgüzmey jazalash arqiliq, bashqilarnimu özini sorashqa mejburlawatqanliqi'i bildürüldi.

Yéqinda, xitay hökümiti amérika indi'ana uniwérsitétining proféssori éllot sipérlingni béyjing ayrodorimida keynige qayturuwetken idi. Da'iriler hazirghiche qilmishigha chüshenche bermigen bolsimu, emma éllot spérling özining ilham toxtini qollighanliqi üchün jazagha uchrighanliq éhtimalining yuqiriliqini éytqan.

"Nyu york waqti" géziti bu mesilini tilgha élip, "Xitay hökümitining tetqiqatchilarni bu xil wasite arqiliq jimiqturushqa urunushi emeliyette özige ziyanliq" dédi.

Gézit mulahiziside, xitay hökümitining bolupmu Uyghur, tibet mesililirini we xitayning démokratiye mesilisini tetqiq qiliwatqanlarni wiza bermeslik usuli bilen jazalash arqiliq, mushu sahediki yash tetqiqatchilarni ikkilendürmekchi boluwatqanliqini éytip, "Xitayning bu herikiti exmiqane. Ular bu arqiliq öz uniwérsitétlirining abroyini chüshüriwatidu. Xitay hökümitining bu siyasiti ularning özige bolghan ishenchisining kamliqini körsitip béridu" dédi.

Toluq bet