Обама бейҗиңдики учришишта хитай даирилирини кишилик һоқуқ вә ахбарат әркинликини қоғдашқа чақирған

Мухбиримиз қутлан
2014-11-10
Share


"америка авази" ниң хәвиригә қариғанда, бүгун баррак обама бейҗиңда нутуқ сөзләп, хитай даирилирини кишилик һоқуқ вә ахбарат әркинликини қоғдашқа чақирған.

Бейҗиңдики асия - тинч окян иқтисадий һәмкарлиқ йиғиниға қатнишиватқан америка президенти обама йәнә мунуларни тәкитлигән:

"биз җуңгониң билим - патент һоқуқиға һөрмәт қилидиған, интернет арқилиқ башқа әлләрниң сода мәхпийәтликини оғрилашни рәт қилидиған һәқиқий базар игилики системисидики бир дөләткә айлинишини үмид қилимиз. Җуңгони кишилик һоқуқ вә ахбарат әркинликини қоғдашқа чақиримиз. Бизниң бу тәклипләрни оттуриға қойишимиз, һәргизму бизниң пайдимиз үчүн әмәс, бәлки әң муһими җуңгониң тәрәққияти вә тинч окян райониниң муқимлиқи үчүндур."

Обама нутқида йәнә хитай даирилирини яш әвлатларға техиму көп учурлар билән учришиш имканийити яритишқа, ишчиларға тәшкиллиниш вә өзиниң һоқуқ - мәнпәитини қоғдаш һоқуқи беришкә чақириқ қилған.

Баррак обама бейҗиңға сәпәр қилишниң алдида америка дөләт мәҗлисиниң бирқанчә әзалири униңдин бейҗиңдики учришишта хитайдики кишилик һоқуқ мәсилисини оттуриға қоюшни тәләп қилғанлиқи мәлум.

Чәтәлләрдики көзәткүчиләр хитайдики кишилик һоқуқ әһвалиниң ши җинпиң тәхткә чиққандин буян яхшилиниш уяқта турсун, бәлки техиму яманлишип барғанлиқини тәкитлимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт