Obama béyjingdiki uchrishishta xitay da'irilirini kishilik hoquq we axbarat erkinlikini qoghdashqa chaqirghan

Muxbirimiz qutlan
2014-11-10
Share


"Amérika awazi" ning xewirige qarighanda, bügun barrak obama béyjingda nutuq sözlep, xitay da'irilirini kishilik hoquq we axbarat erkinlikini qoghdashqa chaqirghan.

Béyjingdiki asiya - tinch okyan iqtisadiy hemkarliq yighinigha qatnishiwatqan amérika prézidénti obama yene munularni tekitligen:

"Biz junggoning bilim - patént hoquqigha hörmet qilidighan, intérnét arqiliq bashqa ellerning soda mexpiyetlikini oghrilashni ret qilidighan heqiqiy bazar igiliki sistémisidiki bir döletke aylinishini ümid qilimiz. Junggoni kishilik hoquq we axbarat erkinlikini qoghdashqa chaqirimiz. Bizning bu tekliplerni otturigha qoyishimiz, hergizmu bizning paydimiz üchün emes, belki eng muhimi junggoning tereqqiyati we tinch okyan rayonining muqimliqi üchündur."

Obama nutqida yene xitay da'irilirini yash ewlatlargha téximu köp uchurlar bilen uchrishish imkaniyiti yaritishqa, ishchilargha teshkillinish we özining hoquq - menpe'itini qoghdash hoquqi bérishke chaqiriq qilghan.

Barrak obama béyjinggha seper qilishning aldida amérika dölet mejlisining birqanche ezaliri uningdin béyjingdiki uchrishishta xitaydiki kishilik hoquq mesilisini otturigha qoyushni telep qilghanliqi melum.

Chet'ellerdiki közetküchiler xitaydiki kishilik hoquq ehwalining shi jinping textke chiqqandin buyan yaxshilinish uyaqta tursun, belki téximu yamanliship barghanliqini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet