Obama fransiye bilen bir septe turidighanliqini bildürdi

Muxbirimiz jüme
2015-01-10
Share


Jüme küni amérika prézidénti obama bayanat bérip, fransiye bilen bir septe turidighanliqini bildürdi. U bu sözlerni fransiyede yüz bergen térrorluq hujum qanliq axirlashqandin kéyin, ténnéssi shtatidiki bir yighilishta otturigha qoydi.

U mundaq dédi: men fransiye xelqige shuni bildürmekchimenki, amérika qoshma shtatliri hazir we kelgüsidimu siler bilen bir septe turidu.

Fransiyeni "Kona ittipaqdash" dep atighan obama parizh shehiridiki térrorluq hujumi yüz bergen haman amérikining saqchi we munasiwetlik organlirini ishqa sélip fransiyeni kéreklik r uchurlar bilen temin etkenlikini bildürdi.

Charshenbe küni fransiyediki bir hejwiy resimler zhurnili "Charliy hebdo" ning bash rédaksiyesi térrorluq hujumigha uchrap 12 adem öltürülgen idi.

Weqedin kéyin jiddiy heriketke ötken fransiye saqchiliri gumandarlarni jüme kündiki görüge élish weqeside étip tashlighan.

Obama yuqiriqi sözlerni parizhdiki qanliq weqe ariliship uzun ötmey otturigha qoydi.

U yene, gerche bu nöwetlik weqe tinchitilghan bolsimu, fransiyening her zaman hoshyar bolushi lazimliqini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet