Obama gu'entanamo türmisini taqash iradisini yene bir qétim bildürdi

Amérika prézidénti obama kubaning gu'entanamo arilidiki herbiy türmisini taqash iradisini yene bir qétim bildürdi we amérika dölet mejlisining mezkur mesilidiki meydani eyiblidi.

Nöwette gu'entanamo türmiside tutup turuluwatqan 166 neper mehbusning 86 nepiri alliburun qoyup bérilishke hazirlan'ghan.

Bularning ichide 3 neper Uyghurmu bar.

Amérika da'iriliri bu Uyghurlarni nechche yilning aldidila “Düshmen jengchisi emes” dep, békitken. Halbuki, bu Uyghurlarni xitaygha qayturushqa bolmaydighanliqi üchün, bular yerleshtürilidighan muwapiq bir jay tépilghiche gu'entanamoda saqlap turulmaqta idi.

Gu'entanamogha esli 21 - neper Uyghur qamalghan bolup, ularning 18 nepiri ilgiri - kéyin bolup bixeter döletlerge yötkelgen.

Obama 2009 - yili prézidéntliq wezipisini tapshurup élip uzun ötmeyla gu'entanamo türmisini taqash buyruqnamisige imza qoyghan. Mezkur buyruq türlük sewebler bilen hazirqighiche, emeliyleshmey kelgen.