Obama iraqqa qoshun ewetishni oylashmaydighanliqini bildürdi

Muxbirimiz jüme
2014-06-14
Share


Jüme küni iraq weziyiti heqqide toxtalghan amérika prézidénti obama iraq mesilige arilishish yollirining köp xilliqini éytqan bolsimu, iraqqa eskiriy qoshun ewetishni oylashmaydighanliqini éniq bildürdi.

Uning bu sözliri iraqning sunni musulmanlar köp sanliqni igileydighan qisimlirida bash kötürgen “Iraq - sham islam döliti” namliq radikal qoralliq teshkilatning iraqning kirkuk, faluja we musul qatarliq muhim sheherlirini igiliwalghanliqi we baghdatqa qarap ilgirilewatqanliqi xewer qilin'ghan jiddiy weziyette élan qilindi.

Obama yuqiri teshkilatini “Wehshiy térrorluq orgini” dep atidi we bularning axirida amérikighimu tehdit yaritidighanliqini körsetti.

Obama sözide yene chet'eldiki amérika xadimliri we yaki amérikigha ziyan yetküzüsh éhtimali bolghan térrorchilargha zer bérish üchün heriket qilidighanliqini bildürdi.

Obama axirida iraqqa mudaxile qilish mesilisini dölet mejlisi bilen meslihetlishidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet