Президент обама алабама штатидики пуқралар һоқуқи намайишиниң 50 йиллиқини хатириләш паалийитидә сөз қилди

Мухбиримиз үмидвар
2015-03-08
Share


Америка президенти барак обама вә униң рәпиқиси мишәл обама шәнбә күни алабама шитатиниң селма шәһиригә берип, бу йәрдә буниңдин 50 илгирики 7 - март күни йүз бәргән пуқралиқ һоқуқини қолға кәлтүрүш намайишиниң 50 йиллиқини хатириләш паалийитигә қатнашти.

Америка авазиниң хәвәр қилишичә, президент обама селмадики хатириләш паалийитидә сөз қилип, америкилиқларни америкиниң техиму гүзәл қилиш үчүн ортақ күрәш қилишқа чақирди. У сөзидә фергосун вәқәсини тилға елиш билән биргә қанун алдида һәмминиң әң икәнликиниң қанунда бәлгиләнгәнлики, буни бузған җавабкар адәмниң җазалиниши керәкликини тәкитлигән.

Президент обама селма шәһиридә буниңдин 50 йил илгири, йәни 1965 - йили 7 - март күнидә африқилиқ америкилиқлар үчүн адаләт тәләп қилип, намайиш қилишқа қатнашқан бир қисим кишиләрни тәқдирлигән.

Селмада өткүзүлгән мәзкур хатириләш мурасим паалийәтлиригә америка дөләт мәҗлисиниң 100 дин артуқ әзаси шуниңдәк сабиқ америка президенти җорҗи буш вә униң рәпиқиси лора буш қатнашқан. Мәзкур хатириләш мурасимиға йәнә әйни вақиттики пуқралиқ һоқуқини қоғдаш намайишиға иштирак қилған бир қисим кишиләр қатнишип, обама билән бирликтә паалийәтләрдә болған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт