Обама тибәт хәлқини қоллайдиғанлиқини қайта тәкитлиди

Мухбиримиз җүмә
2014-02-22
Share

Җүмә күни америка президенти обама хитай тәрәпниң қаршилиқиға қаримай тибәтләрниң роһаний даһийси далай ламани ақсарайда қобул қилип, тибәт хәлқниң инсаний һоқуқлирини қоллайдиғанлиқини қайта тәкитлиди.

Обаманиң далай лама билән көрүшидиғанлиқи пәйшәнбә күни елан қилинған. Бу хитай тәрәпниң наразилиқини қозғиған. Хитай һөкүмити әгәр обама далай ламани қобул қилса, буниң икки тәрәп мунасивәтлиригә еғир дәхли йәткүзидиғанлиқини билдүргән.

Һалбуки, обама хитайниң агаһландурушиға пәрва қилмай далай ламани ақсарайда қобул қилип, тибәт мәсилигә вә тибәтләр йолуқуватқан инсаний һоқуқ дәпсәндичиликигә йеқиндин көңүл болидиғанлиқини билдүрди.

Учришиши бир саәт әтрапида давам қилди.

Ақсарай учришиштин кейин елан қилған баянатқа қариғанда, учириш давамида обама тибәтниң өзгичә дини, мәдәнийити вә тибәт хәлқниң инсаний һоқуқлирини қоллайдиғанлиқини қайта тәкитлигән.

Обама йәнә хитайни сәргәрдан тибәт рәһбәрлири билән биваситә сөһбәт өткүзүп мәсилини һәл қилишқа чақирған.

Бу обаманиң далай ламани 3 - қетим қобул қилиши. Илгирики учришишлар 2010 вә 2011 - йиллири өткүзүлгән. Буларму хитайниң қаттиқ наразилиқини қозғиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт