Obama tibet xelqini qollaydighanliqini qayta tekitlidi

Muxbirimiz jüme
2014-02-22
Share

Jüme küni amérika prézidénti obama xitay terepning qarshiliqigha qarimay tibetlerning rohaniy dahiysi dalay lamani aqsarayda qobul qilip, tibet xelqning insaniy hoquqlirini qollaydighanliqini qayta tekitlidi.

Obamaning dalay lama bilen körüshidighanliqi peyshenbe küni élan qilin'ghan. Bu xitay terepning naraziliqini qozghighan. Xitay hökümiti eger obama dalay lamani qobul qilsa, buning ikki terep munasiwetlirige éghir dexli yetküzidighanliqini bildürgen.

Halbuki, obama xitayning agahlandurushigha perwa qilmay dalay lamani aqsarayda qobul qilip, tibet mesilige we tibetler yoluquwatqan insaniy hoquq depsendichilikige yéqindin köngül bolidighanliqini bildürdi.

Uchrishishi bir sa'et etrapida dawam qildi.

Aqsaray uchrishishtin kéyin élan qilghan bayanatqa qarighanda, uchirish dawamida obama tibetning özgiche dini, medeniyiti we tibet xelqning insaniy hoquqlirini qollaydighanliqini qayta tekitligen.

Obama yene xitayni sergerdan tibet rehberliri bilen biwasite söhbet ötküzüp mesilini hel qilishqa chaqirghan.

Bu obamaning dalay lamani 3 - qétim qobul qilishi. Ilgiriki uchrishishlar 2010 we 2011 - yilliri ötküzülgen. Bularmu xitayning qattiq naraziliqini qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet