Uyghur déhqanlarning "Ochuq lagér" gha teshkillinishi xitay axbaratida yer aldi

Muxbirimiz eziz
2019-07-24
Élxet
Pikir
Share
Print

"Aqtu nahiyelik hökümet tori" ning 23-iyuldiki xewiride éytilishiche, aqtu nahiyesining pilal yézisidiki déhqanlar 2019-yilliq "Partiyege sadiq bolush" témisidiki terbiyelesh pa'aliyitige teshkillen'gen.

Bu qétimliq terbiyelesh üch basquchluq bolup, her bir basquchi üch künlük iken. Xewerde bu qétimliq "Terbiyelesh" arqiliq partiyege sadiq bolush idiyesining "Méngige we yürekke chongqur ornishi" ni emelge ashurush nishan qilin'ghanliqi alahide tekitlinidu.

"Turpan hökümet tori" ning 24-iyuldiki xewiride bolsa turpandiki bir qisim déhqanlar we pénsiyege chiqqan Uyghur kadirlarning "Shinjanggha da'ir birnechche tarixiy mesile" namliq aq tashliq kitabni ögen'genliki, ularning "Sherqiy türkistan" we islam dini uqumliri heqqide éniq chüshenchige ige bolghanliqi éytilidu.

Ilgiriki melum bolghan bezi uchurlarda milyonlap kishi lagérlargha qamilish bilen birge yene milyonlighan kishining "Siyasiy öginish" üchün etigendin kechkiche "Terbiyelesh merkezliri" de öginish qilidighanliqi, peqet kechqurun uxlash üchün öyige qaytidighanliqi, bezilerning bundaq jaylarni "Ochuq lagér" dep ataydighanliqi éytilghan idi. Xitay hökümitining yéqinqi xewerliri bolsa bu uchurlarning rastliqini yene qétim delillidi.

Toluq bet