Mongghul öktichi xadaning qoyup bérilishi yene yene éniq emes

Muxbirimiz erkin
2014-12-05
Share

"Bölgünchilik" bilen eyiblinip uzun yilliq qamaqqa höküm qilin'ghan ichki mongghulluq öktichi xada 9‏-dékabir qoyup bérilishi kérek bolsimu, biraq da'iriler uning shu küni qoyup bérilidighanliqigha éniq jawab bermigen.

Xada 1990‏-yilliri "Jenubiy mongghuliye démokratik ittipaqi" namliq partiye qurup, ichki mongghulgha erkinlik telep qilghan. Biraq xitay hökümiti uni "Bölgünchilik" bilen eyiblep, 15 yilliq qamaqqa höküm qilghan.

Uning qamaq jazasi 2010‏-yili 10‏-dékabir toshup türmidin qoyup bérilgen bolsimu, biraq da'iriler uning siyasiy hoquqidin 4 yilliq mehrum qilin'ghanliqini bahane qilip, uni kökxottiki bir tutup turush ornigha dawamliq nezerbend qilghan idi. Xadaning ayali uning 4 yilliq mudditi bu yil 9‏-dékabir toshidighanliqini közde tutup, jüme küni j x da'irilirige téléfon qilghan we xadaning qoyup bérilidighan waqtini sorighan.

Biraq da'iriler mes'uliyetni bir-birige dönggep, shinnagha uning qoyup bérilish waqti heqqide éniq jawab bermigen. Shinna jüme küni xitayning memliket ichi we sirtidiki kishilik hoquq teshkilatlirigha bayanat élan qilip, xadaning ehwaligha diqqet qilishqa we uning waqtida qoyup bérilishige köngül bölüshke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet